گلمیشم نازلی هیلال اؤلکه‌سینه
فکرتین اینجه خیال اؤلکه‌سینه
آکفین مارشی یاشاردیپ گوزومو
باخیرام "یحیی کمال
" اؤلکه‌سینه
اودور ایسلام اوجاغی تورکیه‌دیر
بیر موصللاسی ایاصوفیادیر
بوردا رومی گیبی عاریف‌لر
وار
صوفی‌لر عابیده‌سی قونیادیر
گؤرونور پرده‌سین آچدیقجا خیال
باشدا فیکرت‌له دوروپ یحیی
کمال
سون ادیب‌لر صفی‌دیر، باخ نه
جمال
شهریار دان نه آغیــر
ایستیقبال
بیر هیلال پارلیاراق اولدو
گونش
بیر ساچاقلی گونش، ایحلام
آدلی
قول قانات آچری گئنیش بیر
مولکه
امپراتوری تورکان آدلی
دنیزی قالدیریپ آلمیش بئلینه
سانکی سیمرغ خیالیم اوجالیر
لاکن اولدوق‌دا داها مست
جمال
تییرَییر حملینی ائدیکده
جالیر
باخیشیم قول قانات آچدیقجا
اوچور
گوز دییر قوی هله باخدیقجا
باخیم
بو افقلرده سئوینجک قاریشیپ
شفقین آرخینا آخدیقجا آخیم
دئییرَم عاکف‌ایله گاه
جوماییم
افقون جیلویه ماوییت‌اینه
گاه آتام‌دان قول آلیپ یوکسه‌له‌لیم
باخاییم فکرتین حوریـیـت‌اینه
طومار آچدیقجا خیال فیلم‌لری
جالانیر بوردا آغیر بیر
تاریخ
توزلی، قانلی، بوغوق
توفانلار
سانکی گؤزلَر دومان ایچره
مرریخ
هر یئرین توپراغی بیر شئی بَسلَر
بورا دا دوغروسو قئیرت کانی‌دیر
بوردا داشدان چوق ایگیت
لرسوموگو
چشمه‌دن بوللو شهیدلر قانی‌دیر
گورورم فاتح‌ی ائتمکده هجوم
اوخونوپ فاتحه‌ی دولت روم
شانلی داغلار اوجالیق‌لار
گورورم
یینه بیر چوق دره‌لر، چوق
اوچوروم
گورورم بیر ابدی عزت و شان
گله‌جک فخری اولان بیر گئچه‌جک
یوق بو میللت، بو حقیقت اؤلمز
چاتاجاق خضرینه، جامین ایچه‌جک
دوزولوپ سانکی بو بالکن‌لاردا
گینه شاهلار تاجی، بَی‌لَر فَسی‌دیر(قدیمی
تورک بؤرکو)
قولاق آسسان بو افقلرده
هنوز
پاشالار نعره‌سی عسکر سَسی‌دیر
او گؤزللَر گؤزلی ایستانبول
او دنیزلر قیزی، دریا گلینی
سانکی دریا چیچگی، نیلوفر
قول آچیپ، ساحیله آتمیش
الینی
بوردا سون بیر مدنیت یارانیپ
نه بنالر یاپیلیپ، ال‌لَر
وار
نه جلالت، نه صلابت عَلَمی
آتا تورک لر گیبی هیکللر وار
شرق و غربی مدنیت قاووشوپ
بیر اصیل نسلی بو توپراقدا
دوغور
معرفتدن قول آلیپ عزت نفس
جهلی، فقری دوغولان یئرده
بوغور
قوربت احساس ائیله مم من
بوردا
سانکی اوز دوغما دیاریم دی
منیم
نرده واردی قارینداشلاریمیز
آنا یوردومدی، حصاریمدی منیم
من ده آذر بالاسی تورک اوغلو
قوناقام دوغما
قارینداشلاریما
دئمیشم آیری دوشن لشکریمی
گئدَییم وصل ائدَییم
باشلاریما
دیلی دینی، قانی بیر
قارداشیدیق
سوزو بیر دینله سه آغلار
تاریخ
ایشده محکوم ائده رک
باشچیلاری
قارا میللت لری داغلار تاریخ
بیز ده سیز تک دینه لاقید
اولالی
گیتدی یئرلر بیزه گویلَر
قالدی
شققه‌لَندیک هره بیر تایدا
دوشوپ
بیر کسیک باش گیبی سویلر
قالدی
گل سیخاق بیر کره قارداشلیق
اَلین
لعن ائدَک ناخلف ایسلاف‌ایمیزا
بونو نادیر، او واقیت
دویموشدی
قوی محبت قالا اَخلاف‌ایمیزا
اوبالار شاعیری‌یَم دردیمیزی
دویورام، چوق دا درین
دویقودو بو
باش توتا، توتمایا ، اوز
دویغوملا
اویورام چوق‌دا شیرین
اویقودو بو
گؤروم آی نازلی هیلالیم
سانجاق
پارلاسین گئت‌گئده بو سؤنمز
اوجاق
دئمیرم بیز قول ائدک دونیانی
دونیا آرتیق بیزی اینسان
ساناجاق
آتاتورک هئیکلینه گؤز تیکَرَک
بیردَن آلقیشلاییرام ژن تورکی
گؤز اؤنونده نه تناسب بیلمَم
بیرده تصویر ائدیرَم ژاندارکی
درباره این سایت