پوخته اولماغاچوخ سفر گه‌ره‌ک
گئت دولانگیلن،خامسن هنوز
پوخته اولماغاچوخ سفر گه‌ره‌ک
مرغ قافیلههمزبان اولـوب
دؤوره وورماغابال و پر گه‌ره‌ک
کوه عشقه گل،گئتمه بی دلیل،
غول دنگ تکدوشـمه چوللره
تا کی سالیکهرهنمون اولا،
خیضـر ره کیمیراهبر گه‌ره‌ک
یوخ یالان دئدیمهرزه سؤیله دیم،
واضحین دئییم،دوغرو سؤیله ییم
حققه عارفیواصیل ائتمگه،
بیر دوداقلاریگول شکر گه‌ره‌ک
زولفی عنبرینخالی نازنین،
غنچه تک دهان،قاشی جان سیتان
شاه گولروخان،ماه بی قرین
نسترن کیـمیسیمبر گه‌ره‌ک
لاله تک أوزو آلیاناق اولا،
تازه گول کیمیتر بوخاق اولا
آغ آیاز أوزوآیدان آغ اولا
قاشلاری اونا همسپر گه‌ره‌ک
همعینان اولامهر و مار ایله
هم زبان اولانور و نار ایله
زولفو بحث ائدهشاهمار ایله
گنج سینه سی پرگؤوهر گه‌ره‌ک
حققه آشـینا،خلقـدن جدا،
ائیله میش اولانفـی ماسوا
ترک ائده بوتونیاردان ادا
اول مسیح تک بیپدر گه‌ره‌ک
قویگیلن قدمدیره لاجرم،
نقش بوتده گورسیرر وحدتی
بو چگونه دنواقیف اولماغا
بیر جنون حق،مرد أر گه‌ره‌ک
آز دانیشگیلن،اولگیلن خمـوش،
ائتمه عالمیسیرر عشقی فاش
بوردا دورماچوخ، گئچ بو ورطه دن
بو مقوله ســؤزمختصر گه‌ره‌ک
منع قیلمایینچوخدا زاهیدی،
عذرو وار اونون،عاشیق اولماییب
او عبث یئره خلقاولونماییب،
باغبانه بیرکلّه خر کرگ
جد و جهد قیل،عارف اول، گؤزوم،
علم عشقدن اولمابی نصیب
جوم بو بحرهبیر، تاپ او گؤوهری
عاشقم دئین ترکسر گه‌ره‌ک
راه پر خطر، بختواژگون،
زولف یار تک شبسیاهگون
ایندی غئیبدنخان چوبانینا
نخل طوردن بیرشرر گه‌ره‌ک
هر خسیسه گلائتـــمه التــجاءِ
اولماز اؤزگه دنحاجتین روا،
مشکول آچماغاشاه لافَتی
عنتر اولدورنشیر نر گه‌ره‌ک
بو جواهیرینیوخدو قیمتی،
آچگیلن گؤزومیاخشی سئیر قیل
هر بیری ده یَرچین خراجینا،
موفته وئرمرم،سیم و زر گه‌ره‌ک
بیر گوزل جوانایسترم، همان
کیم بو سؤزلری ائیلهسین روان،
هاردا دیر دئسینبیر شکر زبان
کیم بو سؤز منهعامی تر گه‌ره‌ک
ساقی! گل منهجام عشقیدن
بیر کرم قیلیباؤیله مست قیل،
تا دئسینله خلقلال اوتورماغا
بو نباتی تکبخته ور گه‌ره‌ک
سید ابوالقاسمنباتی
درباره این سایت