آی تیراختورچو یازیخلار، ائشیدین جان گئتددی
نه دئدیز خطرینه دهیدیز، نییه مئهمان گئتددی
توشاکین تک باشینا، گئتمهسی نیسگیلدی منه
بس نییه سویلهمهدیز ، جان توشاکیم خان گئتددی
او گهلهنده قاناد ایستیردیک اوچاخ گویلهره بیز
کور گوزوم یاتمیشیدی بیلمهدیم هاچان گئتددی
نه بیلهیدیم قوناغیم دهیمهدوشردیر یوخسا
بو قهدهر ایریلییه دوزمهدی حئیران گئتددی ؟
او قالیبدیر ئورهییمده، هارا گئتسه سئوهرهم
او بویوک اینسانا باخ، گئتسهده اینسان گئتددی
جان توشاک دئو کیمی اینسان نه سیغاردی بورایا
او نهنگ بیر قایادیر، گئتسهده ایران گئتددی
تبریزیم یاتمیشیدی یئددی یوخو مورگوسونه
تا گوز آشدیخ نه اولوب، تبریزه تهران گئتددی
زونوزون آلماسینین قیرمیزیسین کیم ییهجک
گئجهنین بیر یاریسی سئوگیلی مئهمان گئتددی
درباره این سایت